World Music Portraits - Nusrat Fateh Ali Khan 3/6 - Music of Pakistan - Pakistanis Ruling the World lyrics



aisaa dekhaa nahiiN Khuubsuurat ko'ii
jism jaise Ajanta kii muurat ko'ii
jism jaise nigaahoN pe jaaduu ko'ii
jism naGhmaa ko'ai jism Khushbuu ko'ii
jism jaise machaltii hu'ii raaginii
jism jaise mehakti hu'ii chaaNdnii
jism jaise ke khilta hu'aa ek chaman
jaise jaise suuraj kii pahlii kiran
jism tarsha hu'aa dilkash-o-dil-nashiiN
sandalii sandalii
marmarii marmarii

chehraa ek phuul kii tarah shaadaab hai
chehraa uskaa hai yaa ko'ii mahtaab hai
chehraa jaise Ghazal, chehraa jaan-e-Ghazal
chehraa jaise kalii, chehraa jaise kaNval
chehraa jaise tasavvur kii tasviir bhii
chehraa ek Khvaab bhii chehraa tabiir bhii

chehraa ko'ii alif lailavii daastaaN
chehraa ek pal yaqiiN, chehraa ek pal gumaaN
chehraa jaise ke chehraa ko'ii bhii nahiiN
maah-ruuh maah-ruuh
maah-jabiiN maah-jabiiN

aaNkheN dekhii to maiN dekhtaa rah gayaa
jaam do aur donon hii do aatishah
aankheN yaa maikade ke ye do baab haiN
aankheN inko kahuuN yaa kahuuN Khvaab haiN
aankheN niichii hu'iiN to hayaa ban gayiiN
aankheN uuNchii hu'iiN to du'aa ban gayiiN
aankheN jhuk kar uThiiN to adaa ban gayiiN
aankheN jin meN haiN qaid aasmaan-o-zamiiN
nargisii nargisii
surmayii surmayii

zulf-e-jaanaN kii bhii lambii hai daastaaN
zulf ke mere dil par hai parchaiiyaaN
zulf jaise ke ummRii hu'ii ho ghaTaa
zulf jaise ke ho ko'ii kaalii balaa
zulf uljhe to duniyaa pareshaan ho
zulf suljhe to ye giit aasaan ho
zulf bikhre siyaah raat chhaane lage
zulf lahraaye to raat gaane lage
zulf zanjiir hai phir bhii kitnii hasiiN
reshmii reshmii
ambariiN ambariin
Social Link's
Ads
.
Last Downloaded songs
Top Downloaded songs
How download ?
For download free .mp3
1.Press download button
2.Awaiting downloading finish,
3.And download for free .mp3